வருமா... வராதா...?

வருமா... வராதா...?

கமல் தற்போது நடித்து கொண்டு இருக்கும் படம் "உத்தமவில்லன்".இந்த படத்தில் ஆண்ட்ரியா, "விஸ்வரூபம்" பூஜா, பார்வதி மேனன் மற்றும் முதன்முறையாக நடிகர் விவேக்கும் கமலுடன் கைகோர்த்துள்ளார்.


பெங்களூரில் இதன் படப்பிடிப்பு நடந்து கொண்டு இருக்கிறது. நடன இயக்குனர் ஷோபி வடிவமைக்க உள்ள பாடல் காட்சிகளை எடுக்க தற்போது "துருக்கி" பறக்க உள்ளது படக்குழு.

இப்போது அதுவல்ல விஷயம், அனைவரும் எதிர்பார்க்கும் படமான விஸ்வரூபம் 2 ஒரு சில வேலைகளை தவிர ரிலிஸ்க்கு ரெடியாக உள்ள நிலையில் இப்படத்தின் தயாரிப்பாளரான ஆஸ்கர் பிலிம்ஸ், இப்போதைக்கு 'திருமணம் என்கிற நிக்காஹ்' மற்றும் 'பூலோகம்' படங்களை வெளியிட்டு விட்டு அதன் பிறகு 'விஸ்வரூபம் 2' மற்றும் 'ஐ' படத்தினை வெளியிடும் திட்டத்தில் இருக்கிறதாம்.

அதனால் உத்தமவில்லனை முதலில் ரிலிஸ் செய்யலாம் என்ற முடிவில் இருக்கிறாராம் கமல்.

எப்போதும் கமல் தான் குழப்புவார், இப்போது கமலே குழம்பி விட்டாரே.