சாலையோரம் படத்தில் ஹீரோயினாக நடிக்கும் செரீனா, குப்பை பொறுக்குபவர்களைப் பற்றி பிஎச்டி ஆராய்ச்சி படிப்பு படிக்கிறார். இதுபற்றி பட இயக்குனர் மூர்த்தி கண்ணன் கூறும்போது,மலம் அள்ளும் தொழிலாளிக்கு எந்த கை பீச்சாங்கை என்ற கவிதைதான் இப்படத்தை எடுக்க தூண்டியது. குப்பை அள்ளும் தொழிலாளி பற்றிய கதை. ஹீரோ ராஜ். இப்படத்தில் பல நடிகைகள் நடிக்க மறுத்தனர். கல்லூரி மாணவி செரீனா நடிக்க முன்வந்தார். குப்பை கிடங்குகளில் நாள் முழுவதும் இருந்து நடிக்க வேண்டி இருக்கும் என்றபோது ஒப்புக்கொண்டார்.
பிறகுதான் அவர் ஆந்திராவில் உள்ள ருஸ்மேனியா யுனிவர்சிட்டியில் குப்பை பொறுக்குபவர்களை பற்றியும், குப்பை கிடங்குபற்றியும் பிஎச்டி ஆராய்ச்சி படிப்பு படிப்பது தெரிந்தது. வில்லனாக பாண்டியராஜன் நடிக்கிறார். முருகன் சுப்பராயன் தயாரிப்பு. சேதுராம் இசை. தினேஸ் சீனிவாசன் ஒளிப்பதிவு. இதன் ஷூட்டிங் முடிந்தது.
